كيف نحل المشاكل النفسيه

كيف نحل المشاكل النفسيه ؟
اول شيء اقصد بالمشاكل النفسيه مثل
الخوف من الحيوانات مثلا او العصبيه الزايده او التدخين او عادات سيئه الواحد يبغي يتخلص منها يعني او اشياء طيبه يبغي يكتسبها مثل هيك
يعني سمحوا لي اسمي الحلول هذي
>> قوة التحكم بالنفس او الذات <<

ناخذ على سبيل المثال العصبيه و عليها قيسوا انتوا بنفسكم اكي

انسان سائق مر على اختناق مروري
واذا اللي قدامه ما مشي ؟
واذا بضغطه يوصل الى الالف و يعصب و اذا جنبه ام العيال يطب فيها
>> مسكينه مالها ذنب <<
ولو نلاحظ شقد خسر من طاقته وقوته و شبابه بالاضافه الى انه عكر الجو اللي عنده كله على حساب مجرد اختناق يعني اذا عصب مع وجهه بيمشون السيارات
*78*

كيف نحل مثل هالمشكله النفسيه ؟

الحل الاول
نحدد مكان نتردد عليه دائما >> افضل مكان شفته الفراش <<
نكتب في ورقه اي جمله ايجابيه تثبت نفي الصفه السلبيه اللي في الشخص
مثلا >> انا مو عصبي << >> انا لطيف << >> انا احترم امي وابوي << >> انا ما ادخن <<
يعني مثل هذول الجمل بصياغتك الشخصيه
بشرط نقراها كل مره نجي ننام او نجلس من النوم
بشكل لا ارادي راح تترك الشيء اللي ما تبغيه و تصير فيك الصفه اللي تبغيها
يعني راح يصير في نفسك اللي كتبته بالورقه .

الحل الثاني
معروف ان الانسان لازم يمر باليوم على الاقل مره وحده يمشط >> يسرح << شعره صح
يعني انه بيقابل المرايه مره باليوم على الاقل وماشا الله البنات بيناموا عندها
*78* امزح مشوها
في هالحاله وهو جالس يمشط شعره يخاطب نفسه وهو يناظر الى المرايه >> لا تقولون مجنون <<
يعني يسوي عهد بينه وبين نفسه
مثلا
انا اتعهد على نفسي اني ما اعصب اليوم
او
ما ادخن مثل هيك يعني على حسب كل شخص
اذا جاه مثلا موقف يخليه يعصب مثل الموقف اللي ذكرناه سابقا
يعني اختناق مروري
يجي بيعصب
فجأه !!!!!!!!!!!
يجيه نداء داخلي
يافلان انت اليوم قطعت على نفسك عهد انك ما تعصب ؟
على طول اذا كان الشخص صادق مع نفسه
بتهدأ اعصابه و بيترك العصبيه
>> انا جربت هالطريقه ونجحت ميه بالميه <<

الحل الثالث
نجلس بغرفه لوحدنا و نقفل الباب علينا و بشرط الهدووووووووووء التام بالغرفه
يعني نضمن ان ماكو احد بيزعجنا
ونمسك ورقتين
الاولى نكتب فيها الاشياء الايجابيه اللي فيني و اللي ابغي اوصل لها
و الثانيه الاشياء السلبيه اللي ابي اتركها او ابي اتجنبها
وخلي الورقتين جنبك
و شوف لك وضع تحس انك ترتاح له
يعني مثلا كرسي هزاز او كرسي شبه مستلقي
او انك تنبطح على ظهرك
وتحاول تسوي الاسترخاء >> اذا ماتعرفون قولوا لي و اكتب لكم طريقة الاسترخاء <<

في هاللحظات اللي انت مسترخي فيها
خاطب نفسك و تخيل نفسك
مره بالاشياء الايجابيه ومره بالسلبيه
يعني
شوف كيف راح يكون حالك لما تسوي الاشياء السلبيه
مثل القصه اللي ذكرتها بالاول ان راح يتعكر الجو لما يعصب و يعجل عليه الشيب وغيرها و غيرها
يعني مثل الدخان بيجيب الامراض
وانت روح اسرح مع افكارك بس لاتنام *78*
وتعال للاشياء الايجابيه وشوف كيف راح يكون حالك
يعني من سعاده وغيرها وغيرها بس مشان ما اطول عليكم
بعد ماتخلص من الاسترخاء
اجلس
وامسك الورقه اللي فيها الاشياء السلبيه ومزقها صح وردد في نفسك انا بترك هالاشياء و بشيلها من حياتي
وخذ الورقه اللي فيها الاشياء الايجابيه و احتفظ فيها بجيبك
وكل مابين فتره و فتره اقراها
وراح تشوف النتيجه

طبعا تقدر تجمعهم كلهم مره وحده
او تشوف اللي يصلحح لك منهم تسويه

وانا ابصم لكم بالالف اذا سويتوا الطريقه ميه بالميه راح انشا الله تتخلصون من جميع مشاكلكم النفسيه و العاطفيه بعد
وكمان بعض العلماء يستخدمونها في علاج الامراض الجسديه
بس بشكل اوسع شويه بس المفهوم واحد