شرح رويض وتدريب الببغاء الافريقي

السلام عليكم ورحمة الله وبركاته
بـ البداية الموضوع كتبته لكم بمجهود فردي واخترت اني انزله لكم واذا كان مكانه خطاء اتمنى من الاشراف نقله للمكان السليم
اول شئ من هو الببغاء الافريقي
http://www5.0zz0.com/2010/06/10/00/105876152.jpg (http://www.0zz0.com)
يعتبره العلماء ثاني اذكى مخلوق بعد الانسان لما يمتلكه من حس عالي و عقل يعتبره العلماء عقل طفل بـ الست سنوات
http://www5.0zz0.com/2010/06/10/00/780497461.jpg (http://www.0zz0.com)
مخلوق هادء جدا واجتماعي الى ابعد درجه ويفضل ان يصادق انسان على بني جلده ،
استخدمه القراصنه قديما لما وجدوه من حسن تدبير و ذكاء عالي بعد ما كان خاص بالملوك وخير مثال هو ببغاء هارون الرشيد الخليفه العباسي
طائر يملك حنجره ذهبيه فهو يستطيع تقليد اي صوت موجود ويستطيع النطق والكلام وتقليد الاصوات والنبراة ويجيد لغة الجسد والاشاره والحركات يمتلك عاطفه واحاسيس باطنيه تنقسم لاحساس عقلي واحساس قلبي مثل الانسان لكن الببغاء اذا ملكت عقله فاعلم انك ملكت قلبه طائر مبتهج دائما ومسلي .
http://www5.0zz0.com/thumbs/2010/06/10/00/793783874.jpg (http://www.0zz0.com/realpic.php?s=5&pic=2010/06/10/00/793783874.jpg)

اولا كيف تشتري ببغاء سليم خالي من الامراض :
لازم تركز بالببغاء عند البائع وتختار الببغاء النشيط فـ كثير من الباعه يستغلون نقص خبرة المشتري
لا تشتري الببغاء الخامل او الواقف على ارضية القفص او الي يعاني من اتفاخ بالعين وحاول تقرب للببغاء وتسمع اذا فيه صوت عند تنفسه و تركز بـ براز الطائر ( اكرمكم الله ) فـ بالعاده يكون متماسك بلا رائحه وله لون اخضر و ابيض .
اذا كان مصاحبه دم فانتبه لانه يعاني من التهاب داخلي قد يقتل الطائر في ما بعد ، ركز بالعين وحولها اذا كان فيه انتفاخ او جرح ولاحز المخارج التنفسيه اذا كان فيها التهاب او لا وحاول تشوف مخرج الفضلات وتأكد انه نظيف مافيه مرض معين ، لاحظ ارضية القفص اذا مليانه قشور معناتها شهيته مفتوحه وكويس اما اذا كانت خاليه فممكن يكون بسبب ان شهيته ضعيفه وهذا لانه مريض .
http://www5.0zz0.com/2010/06/10/00/179696160.jpg (http://www.0zz0.com)

كيف تعرف عمر الببغاء :
من خلال العين فإذا كانت سوداء كامله فهو صغير جدا بالعمر كما في الصوره التاليه
http://www5.0zz0.com/2010/06/10/00/883130026.jpg (http://www.0zz0.com)

اما اذا كان البؤبؤ اسود ومايحيطه رصاصي فهو لم يتعدى السنه
وتبدا بالبياض وبالتالي الصفارhttp://www5.0zz0.com/2010/06/10/00/169615648.jpg (http://www.0zz0.com)

عمر الببغاء مهم فـ ترويضه فـ الببغاء الصغير عنده قابليه اسرع للترويض والتعلم عكس الكبير

هذا مو معناته ان الكبير مستحيل ترويضه ومستحيل تلقينه الكلمات لان بالنهايه كل شي يعتمد على المجهود الي تبذله وعلى ذكاء الطير وانا بينت كيف تختار الببغاء الذكي وراح ابين ان شاءلله التعامل او طريقه من طريق التعامل

http://www5.0zz0.com/2010/06/10/00/378918501.jpg (http://www.0zz0.com)

كيف تتعامل مع الببغاء الجديد :
حاول تكون هادئ لابعد درجه معه وتحط ببالك انت تتكلم مع انسان له عقل يفهم وممكن يستوعب منك ويحاكيك برضو

حتى لو حاول يعضك خلك هادئ ولا تعطيه ردة فعل قويه كـ سحب يدك بسرعه لان بهالحاله يعرف ان العض جاب نتيجه فيبدا يعش اي شي يقرب منه
http://www5.0zz0.com/thumbs/2010/06/10/00/943089083.jpg (http://www.0zz0.com/realpic.php?s=5&pic=2010/06/10/00/943089083.jpg)

حاول تبعد عنه اي شي يأذيه مثل قطع البلاستيك لا يبتلعها او الشوكلاته تعتبر مضره وسامه عليه او التشبسات والامور المضاف عليها
الببغاء يعشق الحبوب و الفواكه والخضراوات وفيه انواع محرمه عليه طبعا وممكن تقتله
انتبه من الالوان والصبغيات يعني ركز على حديد القفص لان الطلاء ممكن يقتله
والاحسن يكون بمكاان تجمع العائله بالصاله او المجلس عشان يتعرف على افراد العائله
الافضل انك تحط القفص بالزاويه على ارتفاع متر الى مترين بمعنى تخليه هو بوضع المراقب وليس العكس فـ الببغاء طائر ذكي جدا وبنفس الوقت حساس فـ نظراتك له ممكن تخوفه وتخليه على اعصابه ،اضف عليها انه يتضايق من الاطفال والغرباء فيستحسن ببدايت الموضوع تخليه بمكان بعيد عن الاطفال داخل الصاله وتحرص على ان يكون القفص بالزاويه .
ولا تجعل القفل بمكان تاتيه اشعت الشمس فـ الافريقي متعود على الاشجار و الظل والاجواء الرطبه وهو اجتماعي جدا يحب يتكلم ويسولف ويعبر عن نفسه
حاول تنضف قفصه كل يوم وتغير مويته و تشوف اكله اذا ناقص عليه شي

الترويض يعتمد عليك مثله مثل الكلام :
لازم تعطيه شوي من وقتك يعني بكل ساعتين تمر عليه وتجلس اقل شي ربع ساعه تبتسم وتناديه باسمه لان الببغاء يحس بـ الكبرياء اذا ناديته بأسمه وتحاول تلفت انتباها بايجابيه يعني لو صرخ بوجهك قابلها بـ ابتسامه عشان يعرف انك ماراح تأذيه . في بعض الطيور يكفيها يومين وتتأقلم معك وفيه بعض الببغاوات يبيلها شهور وكل ماقل عمر الطائر صار اسهل واسرع
بالنسبه لي انا لـ قلت خبرتي بالبدايه شريت ببغاء عمره سنه ونص لاحظوا سنه ونص يعني تقريبا كبير فـ الناس تفضل ابو الـ 4 شهور او الـ 5 شهور
ببدايت الموضوع تفاجئت اني كل ماقربت من القفص يجعر ويصارخ صراخ مو طبيعي لدرجة ان اهلي شوي ويمسكوني انا وياه الباب والحين بعد 3 شهور فقط صرت اقدر احك منقاره وينزل راسه < يبيني احك راسه الاخ
والله لا يوريكم تمسك على اشياء غبيه اخرتها قبل يومين كنت اتابع مباراة ومسكت معه على صفارة الحكم لقط صوتها وصار كل شوي يصفرها
المسئله كلها عند نقطه وحده
كيف تكسب ثقة الطائر
كيف تقنعه انك ماراح تأذيه حاول تفكر بـ عقل الببغاء وتتوقع ايش يفكر فيه وايش يعتقد لا تخجل من نظرة الناس ، حاول تفكر عند نقطه مهمه
وهي كيف تعبر له انك ماراح تأذيه ..؟ لذلك حاول تعامله كـ انسان تكلم معه كلام طبيعي كانك تتكلم مع شخص بالغ راح تشوفه يناظرك باستغراب
وحاط اسئله قدامه ، يعني مثلا قربت تبي تحط له مويه وشفته جعر او عض صحن المويه ورماه
لا تعصب او ترفع صوتك بكذا انت تخوفه بالعكس حاول تتكلم معه وتبين له ان الي سواه غلط وابتسم له راح تشوفه يسكت ويبداء يناظرك يبي يعرف انت شتبي .
حاول تجلس جنبه وتستخدم النت او تقراء جريده هو بحاجه لانه يشوف مربيه يتعرف على طبيعة مربيه .
مثل الانسان بالضبط اي انسان ممكن تتعرف عليه بالبدايه يتكون جلسه رسميه و سوالف مافيه ميانه بالضبط مثل الببغاء فهو بحاجه لانه يتعرف عليك بالبدايه يشوف اطباعك .
اول صوت راح يحاول يقلده هو صوتك واول نبره ممكن يتعلمها هي نبرة صوتك فـ غالبا تشوف الببغاء يتكلم بـ نبرة مربيه دائما .
لا تستحي من اصدقائك ومن كلامهم عليك صدقني هذا كائن بحاجه لصداقتك وراح يعشقك بكره ويتضايق اذا شافك حزين ومتضايق .
اذا شفت الطائر صار هادي معك وهو داخل القفص انتقل للمرحله الثانيه وافتح القفص من فوق مع الحرص على ان جناحين الطائر مقصوصه وانصح بقصها عند بيطري مختص واحرص على ان تكون خارج غرفة الحلاقه لان الببغاء يعتمد على ذاكره قويه وممكن يزعل منك اذا عرف انك موديه وبتجيه فتره بيضرب عن الطعام ومايرد عليك بسبب هالمشكله فدائما حاول توديه وتطلع برا المحل تنتظر الى ان يسلمونه لك
مثل ماقلنا بالمرحله الثانيه اذا شفنا انه هادئ نفتح سقف القفص وراح يطلع يوقف فوق وهذي المرحله هي اهم مرحله بـ ترويض الببغاء حاول ماحد يقرب له ويخوفه لانه ممكن يطير ويصدم بالجدار واسوء شي عند اي ببغاء ان منقاره ينضرب لان فيه الم عظيم وقوي فالمنقار يحتوي على شعب دمويه تسبب الم فضيع
راح يوقف على قفصه وحاول تجلس جنبه انت خله يراقبك ويشوفك ويتأكد انك ماراح تأذيه لان بهالحاله راح يكون هو حر طليق فـ المعامله الان تفرق

بيشوفك مريحه وتبتسم له وصبور عليه وهو حر يعني راح يتأكد انك ماراح تأذيه وراح يثق فيك
حاول تجيب له مرايه لان احسن صديق لـ الببغاء هي المرآه ـ فهو يعتقد انه يشوف ببغاء ثاني وبـ تتفاجئ انه راح يناظرها ويصفر مع االحرص على لايكون فيها اشياء قابله للكسر خلها بـ قفصه داخل يومين وبعدها طلع المرايه وخلها بجانب القفص وكل بين فتره وفتره انت وقف وقربها له
خله يشوف يدك وهي ماسكتها واحرص انها تكون بعيده ، حاول تقرب المرايه وتحك منقاره بشوييش
الافضل تكون المرايه عاديه والاطراف غير حاده خل يدك مرنه لانه مع الوقت راح يبدا يلعب معك وانت تحك منقاره ، راح يحاول يعضها ويصير العكس هو الي يدور عليها ويبي يعضها وانت ماسكها فـ اجعل يدك مرنه اذا عضها حاول تحررها بسهوله وبدون ان يكسر جزء واحد ويبتلعه
اعرف انها مسئله غريبه لكن الاهم ان المرايه هي صديقة الببغاء وهي الي يثق فيها خصوصا اذا شاف فيها صورته ، بعدها حاول تحركها فوق راسه شوي وبطرفها تحك راسه بشوي بالبدايه ماراح يخليك لكن بعدها راح تقدر تحك راسه وبهالاثناء وهو منزل راسه حاول تقرب اصابعك وتحكه بدال المرايه

http://www5.0zz0.com/2010/06/09/23/688534515.jpg (http://www.0zz0.com)

بهالحركه انت جلست تلعب معه ووطدت علاقتك معه لكن مع كل هذا لا تثق فيه اثناء هالايام وحاول تكون حذر ودايم اكرر المرونه و طولة البال والصبر

حاول تحدد اكله بالبدايه بـ الحب الشمسي بحيث كل يوم تغيره له اذا شفته خلص او كله قشور وانتبه من طريقة التجويع صدقني ممكن تهدم طائرك
كل ماكان جسمه دافئ ومعدته دافئه كل ماكان احسن وحاول تشتري الفول السوداني واحرص انه يكون غير مالح لان الملح ممكن يأثر بصحته لدرجه كبيره ، خل الفول السوداني بوقت المناسبات يعني اذا شفته يصفر او اذا شفت تجاوب معه حاول تعطيه اياه وبعد ماتحك منقاره بالمرايه او باي شي حاول تقدم له وحده بيدك ممكن يعضها او يعصب مو مشكله اضحك له وقدمها له مره ثانيه الا انا يمسكها ويبدا ياكلها بهالطريقه بديتوا تشكلون احلى ثنائي

https://www.youtube.com/watch?v=1ncH9esmhpw